Гонар зямлі Пагосцкай
Ешчанка Людміла Сямёнаўна – беларускі хімік-арганік, доктар тэхнічных навук, прафесар. Ёй належаць навуковыя працы па хіміі і тэхналогіі фасфатаў металаў. Распрацавала спосабы атрымання каталізатараў, сарбентаў, носьбітаў каталітычна актыўных рэчываў на аснове сітавінных матэрыялаў новага тыпу – ксерагеляў і каркасных (цэалітнага тыпу) фасфатаў металаў.
Ермаловіч Якуб (Якаў Сідаравіч) – беларускі пісьменнік, аўтар апавяданняў і аповесцяў “Душа чалавека”, “Родная зямля”, “Твар у твар”, След на зямлі” і інш.
І Ермаловіч тут, Якуб,
Пакінуў след навек:
Зямляк, пісьменнік, педагог
І проста – Чалавек.
Вось ужо шмат гадоў званне “Першы камбайнер-тысячнік” заваёўвае знакаміты на ўвесь Бярэзінскі раён механізатар ААТ “Пагосцкі” Кашлачоў Вячаслаў Аляксеевіч.
Ён вырас на зямлі, сярод палёў,
Ён змалку бачыў працу хлебаробаў,
Каштоўнасць ведае вялікасці хлябоў
І кожнага зярнятка паасобку.
